ՀՅԴ անդամ Գոռ Սարգսյանը 168TV-ի «Ռեվյու» հաղորդման ընթացքում նշեց, որ այս տարի ջահակիրները կրելու են «Նեմեսիսի» խորհրդանիշ Սողոմոն Թեհլերյանի պատկերով շապիկներ, որով թշնամական պետություններին ցույց կտան, որ կգա մի սերունդ, որը վրեժխնդիր կլինի նրանց արածների համար:
Իշխանական պատգամավոր Մարիա Կարապետյանը նախօրեին անդրադարձավ ՀՅԴ-ին կամ, ինչպես ինքն էր ասում՝ դաշնակցական մտածողությանը, և նշեց, որ ՀՅԴ-ն իր սեփական երևակայության մեջ պետությանը զուգահեռ վերպետական կառույց է. «Նրանք դա համարում են համազգային: Սրանից ՀՅԴ որոշ անդամների մոտ առաջանում է զգացողություն, թե իրենք հանուն մոգական ազգայինի կարող են շրջանցել Սահմանադրությունը և ինչ-որ բյուրոյում կամ խորհրդում առանց ժողովրդի քվեարկության՝ կայացնել որոշումներ աշխարհասփյուռ հայ ժողովրդի անունից»:
