Ընդ որում, մեր տեսախցիկը ֆիքսել է, որ միայն Կառավարության շենքի պատերին արված անցքերն են մանրամասն մշակվել, և «շլիֆովկա» արվել, իսկ ահա մի քանի մետր հեռավորության վրա գտնվող շենքի պատերին ոչ միայն բազմաթիվ անցքեր են մնացել, այլև փակված անցքերը նորմալ չեն էլ ներկվել: Ավելին, ներկի ամանը՝ իր վրձիններով, մինչ օրս մնացել է նույն շենքի վրա:
Չտեսության հասնող ամանորյա քաղաքային լուսավորության ու զարդարանքի շրջանակներում վանդալիզմի են ենթարկվում Կառավարության շենքի զարդանախշերով պատերը, դրանք ուղղակի մեխվում են ինչ-որ լարեր անցկացնելու, մի քանի շաբաթվա համար լույսեր կախելու նպատակով։
