Թունիսում երկու մարդ է զոհվել ռազմական ինքնաթիռի կործանման հետևանքով
Առնվազն երկու մարդ է զոհվել Թունիսի արեւելքում ինքնաթիռի կործանման հետեւանքով: Այդ մասին հայտնել է AeroTunisie տեղական պորտալը՝ վկայակոչելով ազգային պաշտպանության նախարարության պաշտոնական ներկայացուցիչ Բելհասեն Ուեսլաթի հայտարարությունը:
Պորտալի տվյալներով՝ իտալական արտադրության Marchetti SF.260 ինքնաթիռի կործանումը տեղի է ունեցել լույս ապրիլի 24-ի գիշերը՝ երկրի արեւելքի Սֆաքս քաղաքի ռազմաբազայից ոչ հեռու: Ինչպես նշում է գերատեսչության ներկայացուցիչը, վթարի հետեւանքով զոհվել են օդաչուն եւ հրահանգիչը: Պատահարի պատճառները դեռեւս չեն պարզվել, հաղորդել է ՌԻԱ Նովոստին:
