Թուրքիայում քուրդ զինյալների հետ բախումից չորս թուրք ուժային է սպանվել
Թուրքիայի քրդաբնակ Հաքքարի նահանգի Շեմդինլի գավառում բախում է տեղի ունեցել թուրք ուժայինների և Քրդական բանվորական կուսակցության (PKK) անդամների միջև: Այս մասին հայտնում է թուրքական «Հուրիեթ» պարբերականը:
Կողմերի միջև բախման հետևանքով սպանվել են երկու թուրք զինվոր և երկու քորուջու (գյուղերի քուրդ պահապաններ):
Թուրքական կողմի հաղորդմամբ՝ բախման հետևանքով սպանվել է նաև Քրդական բանվորական կուսակցության չորս անդամ:
Շեմդինլիում գործողություններ են սկսվել՝ հայտնաբերելու PKK մյուս անդամներին:
