Միհրան Պողոսյանը շնորհավորել է կանանց
Ազգային ժողովի ընտրություններում Երևանի թիվ 1 ընտրատարածքում ՀՀԿ ռեյտինգային ընտրակարգով առաջադրված Միհրան Պողոսյանը «Քեթրին» հասարակական կազմակերպության ֆեյսբուքյան իր էջում շնորհավորել է կանանց և մայրերի տոնը.
«Սիրելի՛ կանայք և աղջիկներ,
Ջերմորեն շնորհավորում եմ ձեզ Մարտի 8-ի` Կանանց տոնի կապակցությամբ: Անշուշտ, կանանց կոչման մեջ վեհագույնը մայրությունն է։ Անփոխարինելի է կանանց դերն ընտանիքների ամրության, քրիստոնեական արժեքներով մեր զավակներին կրթելու գործում` լինելով և մնալով սիրո ու քնքշանքի, հավատարմության ու անձնուրաց նվիրումի ներդաշնակություն մեր կյանքում:
Մշտապես մեծ է եղել ձեր դերակատարությունը մեր ժողովրդի ձեռքբերումների, մշակութային արժեքների ստեղծման, պատմական դժվարին պահերին տոկունության ու ոգու ամրության պահպանման գործում:
Առաջին հերթին ձեր նվիրումի և առաքինության շնորհիվ են պահպանվում մեր ազգային լավագույն ավանդույթները, հայոց ընտանիքի ամրությունը, որոնք առողջ հոգով և մտքով սերունդ դաստիարակելու գրավականն են:
Հրաշալի այս տոնի առթիվ մաղթում եմ ձեզ գարնանային հմայք ու տրամադրություն: Թող ձեր բոլոր օրերը լեցուն լինեն խինդով, ձեր հոգիներում մշտապես թևածեն լույսն ու ջերմությունը: Մաղթում եմ ձեզ անձնական հարատև երջանկություն, առողջություն, սեր և մասնագիտական հաջողություններ։
Թող ի կատար ածվեն ձեր բոլոր նվիրական երազանքները:
Հարգանքներով՝ Միհրան Պողոսյան»:
