Հոլանդահայերը Ադրբեջանի դեսպանատան դիմաց ցույցի դուրս կգան ի հիշատակ հայ նահատակների
Հոլանդահայ կազմակերպությունների ֆեդերացիան և Հոլանդիայի Հայ Դատի հանձնախումբը փետրվարի 27-ին Հաագայում հանրահավաքցույց կկազմակերպեն ի հիշատակ Սումգայիթի, Գանձակի (Կիրովաբադ) և Բաքվի հայ նահատակների։ Ինչպես «Արմենպրես»-ին տեղեկացրին Նիդերլանդների հայերի «Աբովյան» մշակութային միությունից, միջոցառման մեկնարկը կտրվի քաղաքի Խաղաղության պալատից, այնուհետև կկայանա բողոքի քայլարշավ դեպի Ադրբեջանի դեսպանատուն, որտեղ և տեղի կունենան բողոքի ցույցը և ամբողջ միջոցառման ամփոփումը։
Ցույցի նպատակն է ադրբեջանական Սումգայիթ, Գանձակ (Կիրովաբադ), Բաքու և այլ քաղաքներում 1988, 1990 թթ. տեղի ունեցած հայերի ջարդերի զոհերի ոգեկոչումը և բողոքն ընդդեմ Ադրբեջանի կողմից Արցախի և Հայաստանի դեմ շարունակվող ագրեսիայի:
