Գերմանիայում նեոնացիստը 4 ոստիկանի է գնդակահարել
Գերմանիայում տղամարդը կրակ է բացել 4 ոստիկանի ուղղությամբ, հայտնում է The Independent-ը։
Պարբերականի տեղեկություններով՝ 49-ամյա տղամարդն առնչություն ունի նեոնացիստական շարժման հետ։ Ոստիկանությունից հայտնել են, որ նա կրակ է բացել Բավարիայի իր տանը խուզարկության ժամանակ։
Իրավապահները որոշել էին առգրավել նրանից զենքը, սակայն տղամարդը միանգամից սկսել է կրակել։
Bild-ի տեղեկություններով՝ ոստիկանները ծանր վնասվածքներ են ստացել։
Կասկածյալը թեթև վնասվածքներով կալանքի տակ է վերցվել։
