«Մեր հույսն Աստծո վրա է». 18-ամյա Հայկ Թորոսյանի վիճակը ծայրահեղ ծանր է
Ինչպես արդեն տեղեկացրել ենք, երեկ երեկոյան 2 զինծառայողներ են տեղափոխվել ՀՀ ՊՆ կենտրոնական կլինիկական զինվորական հոսպիտալ: Նրանցից մեկի` 18-ամյա Հայկ Թորոսյանի վիճակը ծայրահեղ ծանր է: Լրագրողների հետ զրույցում հոսպիտալի պետ Արամ Ասատուրյանն ասել էր, որ Հայկ Թորոսյանը ստացել է գլխի հրազենային բեկորային վիրավորում:
Հայկի ծնողները երեկ և այսօր այցելել են իրենց տղային, բայց, ինչպես լրագրողների հետ զրույցում նշեց տղայի հայրը` Դավիթ Թորոսյանը, երեկվա համեմատ` տարբերություն չկա.
«Դեռ կոմայի մեջ է: Մի քանի օր հետո կերևա` ինչ վիճակ է մոտը: Իրենք ասում են` ստաբիլ կայուն, բայց նույն վիճակն է մոտը: Ռեակցիաներ ունի, վիրակապելուց է դա երևում, բայց գիտակցությունը տեղը չէ: Մեր հույսն Աստծո վրա է»:
Մանրամասները` 168.am-ի տեսանյութում:
