Թուրքիայի կրկնակի խորհրդարանական ընտրությունները կանցնեն առանց արտակարգ դեպքերի. Դավութօղլու
Թուրքիայի վարչապետ Ահմեդ Դավութօղլուն երաշխավորում է, որ երկրի հարավարևելյան շրջաններում կրկնակի խորհրդարանական ընտրությունները կանցնեն առանց արտակարգ դեպքերի, հայտնում է TRT Haber հեռուստաալիքը:
Նրա խոսքով՝ ընդդիրմության մի շարք ղեկավարների հայտարարությունն այն մասին, թե Թուրքիայի հարավարևելյան նահանգներւմ անկայուն իրավիճակը թույլ չի տա այնտեղ անցկացնել խորհրդարանական ընտրություններ, չի համապատասխանում իրականությանը:
Նախօրեին Թուրքիայի «Ժողովուրդների դեմոկրատիա» կուսակցության առաջնորդ Սելահաթթին Դեմիրթաշն ասել էր, թե երկրի հարավարևելյան նահանգներում քաղաքական լարված իրավիճակը թույլ չի տա խորհրդարանական ընտրությունների անցկացումը:
Թուրքիայում կրկնակի խորհրդարանական ընտրությունները տեղի կունենան այս տարվա նոյեմբերի 1-ին:
