Վրաստանում եգիպտացորենի ներմուծումն աճել է

2026 թվականի հունվար-հունիս ամիսներին Վրաստանում եգիպտացորենի ներմուծումն էապես աճել է։ aliq.ge-ի փոխանցմամբ՝ Վրաստանի ազգային վիճակագրական ծառայության նախնական տվյալներով՝ երկիր է ներկրվել 11 միլիոն դոլար արժողությամբ 23.413 տոննա եգիպտացորեն, այնինչ անցյալ տարվա նույն ժամանակահատվածում ներմուծումը կազմել էր 5,8 միլիոն դոլար և 6222 տոննա։

Արդյունքում, տարեկան կտրվածքով եգիպտացորենի ներմուծման արժեքն աճել է 88,5%-ով, իսկ ծավալը՝ 276,2%-ով։

Խոշորագույն մատակարար երկիրը Ռուսաստանն է, որտեղից Վրաստանը ձեռք է բերել 5,5 միլիոն դոլար արժողությամբ 21.750 տոննա եգիպտացորեն։ Սա նշանակում է, որ ներկրված եգիպտացորենի ընդհանուր ծավալի շուրջ 92,9%-ը բաժին է ընկնում Ռուսաստանին, իսկ ըստ արժեքի նրա մասնաբաժինը կազմում է մոտ 50%։

Ռուսաստանից հետո խոշորագույն մատակարարներն են.

 Թուրքիա- 2,8 միլիոն դոլար (751 տոննա)

 Ֆրանսիա- 869.000 դոլար (149 տոննա)

 Ռումինիա- 682.000 դոլար (122 տոննա)

 Ավստրիա- 614.000 դոլար (109 տոննա)։

Եգիպտացորեն է ներկրվել նաև Արգենտինայից, Հունգարիայից, Եգիպտոսից, Հունաստանից և Սերբիայից։

Ինչ վերաբերում է արտահանմանը, 2026 թվականի առաջին կիսամյակում Վրաստանից արտահանվել է 1 միլիոն դոլար արժողությամբ 1104 տոննա եգիպտացորեն։ 2025 թվականի նույն ժամանակահատվածում արտահանումը կազմում էր 776.000 դոլար և 1782 տոննա։

Արդյունքում՝ արտահանման արժեքն աճել է 34,5%-ով, սակայն ծավալը նվազել է 38%-ով, ինչը վկայում է այն մասին, որ այս տարի Վրաստանը եգիպտացորենը վաճառել է ավելի բարձր գնով։

Հաշվետու ժամանակահատվածում վրացական եգիպտացորենն արտահանվել է ընդամենը երեք երկիր.

 Հայաստան- 618.000 դոլար (148 տոննա)

 Իրան- 292.000 դոլար (934 տոննա)

 Ադրբեջան – 134.000 դոլար (21 տոննա)։