Վերելակի ընկնելու հետևանքով մահացած կինը իջնելիս է եղել 11-րդ հարկից
Բնակելի շենքում վերելակի խցիկի ընկնելու հետեւանքով մահացել է երիտասարդ կին. Քննություն է տարվում` պարզելու պատճառները 2015 թվականի մարտի 21-ին` ժամը 13:30-ի սահմաններում, վայր է ընկել Երևան քաղաքի Բաշինջաղյան փողոցի 2-րդ նրբանցքի 1-ին շենքի վերելակի խցիկը, որի մեջ գտնվող ուղևորուհին՝ 1978թ. Հ.Շահբազյանը, մահացել է։
Նախնական տվյալներով՝ Հ.Շահբազյանը վերելակով իջնելիս է եղել 11-րդ հարկից, որի ժամանակ վերելակի խցիկը պահող ճոպանները պոկվել են, ինչի հետևանքով վերելակի խցիկը 6-րդ հարկից վայր է ընկել։ Երևանի քննչական վարչության Աջափնյակ և Դավթաշեն վարչական շրջանների քննչական բաժնում կատարվում է քննություն: Միջոցներ են ձեռնարկվում՝ պարզելու ճոպանների պոկվելու պատճառները։
