Թուրքիայի ԱԳՆ-ը հերքել է միջուկային զենք մշակելու մասին լուրը
Ռուսական ИТАР-ТАСС լրատվական գործակալության փոխանցմամբ` Թուրքիայի ԱԳՆ-ը հերքել է գերմանական մամուլի այն հրապարակումը, թե Անկարան միջուկային զենք է մշակում: Այդ մասին սեպտեմբերի 22-ին գրել էր գերմանական Die Welt թերթը:
Թուրքիայի ԱԳՆ-ը հայտարարել է, որ Թուրքիան ակտիվորեն աջակցում է տարածաշրջանի միջուկային զինաթափմանն ուղղված միջոցներին և կողմ է տվյալ ոլորտի միջազգային համաձայնագրերին և առաջին հերթին Միջուկային զենքի չտարածման մասին պայմանագրին:
Թուրքիայի ԱԳՆ-ն ընդգծել է, որ իր համար առաջնահերթ է Մերձավորարևելյան տարածաշրջանը, ուր առկա են զանգվածային ոչնչացման զենքի տարածման մեծ ռիսկեր, զերծ պահել սպառազինության այդ տեսակից:
