2014 թվականի հունիսին Իրաքում զոհվել է 2417 մարդ. ՄԱԿ
Բրիտանական Reuters լրատվական գործակալության փոխանցմամբ՝ ՄԱԿ-ի տվյալներով՝ 2014 թվականի հունիսին Իրաքում զոհվել է 2417 մարդ: Վիրավորվել է ևս 2287 մարդ: Դրանց թվում մտնում են միայն նրանք, ովքեր դարձել են ահաբեկչական ակտերի ու բռնությունների զոհեր: Զոհերի ու տուժածների մեծ մասը քաղաքացիական անձինք են:
Իրաքում վերջին ամսին զոհերի մեծ թվի պատճառը «Լևանտում ու Իրաքում իսլամական պետության» (ISIL) արմատական խմբավորման ձեռնարկած մասշտաբային հարձակումն է: Խաղաղ բնակիչների մեծ մասը սպանվել է Իրաքի հյուսիսում, որի մի մասի վրա իր վերահսկողությունն է տարածել ISIL-ը:
Հիշեցնենք, որ սրանից առաջ Իրաքի կառավարությունը հայտարարել էր, որ իր տվյալներով՝ հունիսի երկրում ահաբեկիչների զոհ է դարձել 1922 մարդ:
