ԵԽԽՎ-ի Բյուրոն հավանության է արժանացրել Ադրբեջանի մասին բանաձևի նախագիծը
![](https://168.am/wp-content/uploads/2014/06/062300082323.jpg)
Ադրբեջանական Turan լրատվական գործակալության փոխանցմամբ՝ ԵԽԽՎ-ի Բյուրոն Ստրասբուրգում ընթացող այսօրվա նիստում հավանության է արժանացրել «Եվրոպայի Խորհրդում Ադրբեջանի նախագահություն. ինչպիսի՞ քայլեր են ձեռնարկվում մարդու իրավունքները հարգելու տեսանկյունից» բանաձևի նախագիծը:
Այն պատրաստել է իռլանդացի պատգամավոր Մայքլ Մակնամարան: Սրանից հետո փաստաթուղթը պետք է ներկայացվի ԵԽԽՎ-ի՝ իրավական հարցերով ու մարդու իրավունքների հարցերով հանձնաժողովին՝ բանաձևի վրա հետագա աշխատանքներ տանելու համար:
Ադրբեջանցի իրավապաշտպան Ռասուլ Ջաֆարովը հայտարարել է, որ բանաձևի նախագծում կոչ է պարունակվում ազատ արձակել REAL շարժման առաջնորդ Իլգար Մամեդովին, իրավապաշտպան Անար Մամեդլիին, NIDA շարժման ակտիվիստներին:
Միևնույն ժամանակ ԵԽԽՎ-ի ամառային նսաշրջանում չի դիտարկվելու Ադրբեջանում քաղբանտարկյալների գծով զեկուցողի ինստիտուտի վերականգնման հարցը: