Եթե այսպես շարունակվի, ապա Սաակաշվիլիի կուսակցությունը վերստին կգա իշխանության. Բուրջանաձե
![](https://168.am/wp-content/uploads/2013/06/Nino_Burdzhanadze_291009.jpg)
Ադրբեջանական APA լրատվական գործակալության փոխանցմամբ՝ Վրաստանի խորհրդարանի նախկին նախագահ, «Դեմոկրատական շարժում» կուսակցության առաջնորդ Նինո Բուրջանաձեն չի բացառում, որ նախկինում իշխող «Միասնական ազգային շարժում» կուսակցությունը վերստին կգա իշխանության:
Նա ընդգծել է, որ հենց ներկայիս իշխանությունների վարած քաղաքականության շնորհիվ է, որ նախկին նախագահ Միխեիլ Սաակաշվիլիի կուսակցությունը («Միասնական ազգային շարժում») շարունակում է մնալ որպես այլընտրանքային ուժ, վրացական այլընտրանքային դաշինք.
«Սաակաշվիլիի կուսակցությունն ամրապնդվում է: Եթե այսպես շարունակվի, ապա (ներկայումս իշխող) «Վրացական երազանքը» կթուլանա և մեծ է նրա հավանականությունը, որ «Միասնական ազգային շարժումը» վերստին կգա իշխանության»: