Ջեն Փսակին հերքել է իր պաշտոնանկության մասին լուրերը
![](https://168.am/wp-content/uploads/2014/06/pic_68ac0a6e5072394d3d9a35c8acc94fa9.jpg)
Lenta.ru-ի փոխանցմամբ՝ ԱՄՆ պետդեպարտամենտի ներկայացուցիչ Ջեն Փսակին հերքել է իր պաշտոնանկության մասին լուրերը: Այդ մասին նա գրել է Twitter-ի իր միկրոբլոգում. «Չնայած ռուսական քարոզչամեքենային, որը նախատեսում է այլ բան, ես դեռևս այստեղ եմ, ինչպես և ուժեղ, ժողովրդավարական Ուկրաինան»:
Ռուսական ԶԼՄ-ները երեկ տեղեկատվություն էին տարածել Փսակիի պաշտոնանկության մասին: ՄԱԿ-ում Ռուսաստանի մշտական ներկայացուցիչ Վիտալի Չուրկինը հայտարարել էր, որ չգիտի, թե որ է կորել Փսակին՝ հույս հայտնելով, որ նա «կհայտնվի վերստին»:
Փսակին մեծ հանրաճանաչություն է ստացել ուկրաինական ճգնաժամի վերաբերյալ իր վիճելի հայտարարություններով: Բացի այդ, նա իր ելույթներում հաճախ է քննադատում Ռուսաստանի իշխանություններին: