ԱՄՆ-ն մերժել է մուտքի արտոնագիր տրամադրել ՄԱԿ-ում Իրանի մշտական ներկայացուցչին
ԱՄՆ-ն մուտքի արտոնագիր չի տրամադրել իրանցի դիվանագետ Համիդ Աբութալեբին, ով պետք է նշանակվեր ՄԱԿ-ում Իրանի մշտական ներկայացուցչի պաշտոնում: Այս մասին հայտարարել է ԱՄՆ պետքարտուղարության ներկայացուցիչ Ջեն Պսակին:
Նա հրաժարվել է մանրամասներ ներկայացնելուց, միայն նշելով, որ «այդ թեկնածությունը կենսունակ չէր»: Ավելի վաղ լրատվամիջոցները որպես մերժման պատճառ նշել էին դիվանագետ Աբութալեբի հնարավոր մասնակցությունը 1979թ-ին ամերիկացի պատանդների հետ կապված միջադեպին:
Իրանցի դիվանագետի մերժման դեպքը եզակի երեւույթ է համարվում, քանի որ Նյու Յորքում ՄԱԿ-ի կենտրոնակայանի տարածքը ունի հատուկ կարգավիճակ, եւ տարբեր երկրների դիվանագետները խոչընդոտների սովորաբար չեն հանդիպում:
