Մեծ Բրիտանիան կասեցրել է Ռուսաստանի հետ ռազմական համագործակցությունը
Բրիտանական Reuters լրատվական գործակալության փոխանցմամբ՝ Մեծ Բրիտանիան կասեցրել է Ռուսաստանի հետ ռազմական համագործակցությունը: Այս մասին երեկ հայտարարել է Մեծ Բրիտանիայի արտգործնախարար Ուիլյամ Հեյգը:
Նա մանրամասնել է, որ չեղյալ են հայտարարվելու Մեծ Բրիտանիայի, Ֆրանսիայի ու Ռուսաստանի համատեղ ռազմածովային զորավարժությունները: Բացի այդ, Մեծ Բրիտանիան հրաժարվելու է իր նավերի այցից դեպի Սանկտ Պետերբուրգ:
Հեյգը հավելել է, որ Լոնդոնում եվրոպացի առաջնորդների առաջիկա հանդիպման ժամանակ պնդելու է, որ Ռուսաստանի հանդեպ ընդունվեն հնարավորինս կոշտ պատժամիջոցներ: Սրանից առաջ Ռուսաստանի հետ ռազմական համագործակցությունները խոստացել են սառեցնել ԱՄՆ-ն ու ՆԱՏՕ-ն:
