Ռուբլու վրա հիստերիկ ճնշում է գործադրվում. ռուս փոխնախարար
Ռուսական Интерфакс լրատվական գործակալության փոխանցմամբ՝ Ռուսաստանի Կենտրոնական բանկի կողմից հիմնական տոկոսադրույքի կտրուկ (5.5 տոկոսից մինչև 7 տոկոսի) բարձրացումը կապված է ռուբլու վրա ճնշում գործադրելու և նրա շուրջ հիստերիկ իրավիճակի առկայության հետ: Այս մասին հայտարարել է Ռուսաստանի տնտեսական զարգացման փոխնախարար Անդրեյ Կլեպաչը:
Վերջինիս խոսքերով՝ տոկոսադրույքը բարձրացումը որևէ կապ չունի ինֆլյացիայի հետ: Նա հավելել է, որ դեռ չի կարող մեկնաբանել, թե Կենտրոնական բանկի որոշումն ինչպես կազդի տնտեսական աճի վրա: Կենտրոնական բանկի որոշումից հետո համաշխարհային հիմնական արժույթների հանդեպ ռուբլու փոխարժեքը աճ է արձանագրել:
