ԱՄՆ-ը շարունակելու է աջակցել Ուկրաինայի ժողովրդին. Օբամա
Ռուսական РИА Новости լրատվական գործակալության փոխանցմամբ՝ ԱՄՆ-ը շարունակելու է աջակցել Ուկրաինայի ժողովրդին և խաղաղ ձևով իր բողոքը հայտնելու նրա ցանկությանը: Այս մասին կոնգրեսին հասցեագրած իր ամենամյա ուղերձում նշել է ԱՄՆ նախագահ Բարաք Օբաման.
«Ուկրաինայում մենք աջակցում ենք այն սկզբունքին, որ բոլոր մարդիկ իրավունք ունեն ազատորեն արտահայտել իրենց կարծիքը և մասնակցել իրենց երկրի ապագայի կառուցմանը»:
Ավելի վաղ ԱՄՆ փոխնախագահ Ջո Բայդենն Ուկրաինայի իշխանություններին սպառնացել էր պատժամիջոցներով և կոչ էր արել Կիևի կենտրոնից դուրս բերել ոստիկաններին և չմտցնել արտակարգ դրություն: Բայդենը ողջունել էր Ազարովի հրաժարականը:
