Վլադիմիր Ժիրինովսկին Լենինի մահվան օրը բարձրացրել է նրան հուղարկավորելու հարցը
Ռուսական Интерфакс լրատվական գործակալության փոխանցմամբ՝ Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին վերստին բարձրացրել է դամբարանում պահվող Վլադիմի Լենինի աճյունը հուղարկավորելու հարցը:
Ժիրինովսկին կանոնավորապես այդ հարցը բարձրացնում է Լենինի ծննդյան ու մահվան օրերին և այս անգամ նույնպես բացառություն չի արել: Նա առաջարկել է Լենինի աճյունը հողին հանձնել այսօր՝ նրա մահվան 90-րդ տարելիցին:
Ժիրինովսկին կարծում է, որ Լենինին ու Կրեմպլի պատի տակ հուղարկավորված խորհրդային առաջնորդներին անհրաժեշտ է տեղափոխել ռազմական գերեզմանոց, քանի որ Կարմիր հրապարակը գերեզմանավայր չէ:
