Նախախորհրդարանն ինքնակազմակերպման և ինքնապաշտպանության կոչ է անում (տեսանյութ)
Նախախորհրդարանն այսօր հայտարարություն է տարածել, որում ասված է.
«Այս իշխանությունը պատերազմ է մղում սեփական ժողովրդի դեմ, և այս պատերազմի գինը մեր ճակատագիրն է, մեր երեխաների ապագան, մեր հայրենիքը… Պատերազմ է մղվում ձեր դեմ` ներքին ու դաժան պատերազմ: Մի՛ խաբվեք զավթիչների հայկական անուններից, որոնք այդքան էլ հայկական չեն: Մի՛ խաբվեք նրանց կիսատ-պռատ հայերենից, որն այնքան էլ հայերեն չէ: Ի զե՛ն, հա՛յ ժողովուրդ. ինքնակազմակերպում և ինքնապաշտպանություն: Սա պատերազմ է, և մենք իրավունք չունենք պարտվելու: Պարտության գինը Հայաստանն է»:
