Տիմոշենկոյին մերժել են ազատազրկման պայմանների մեղմացման հարցում
Ռուսական ИТАР-ТАСС լրատվական գործակալության փոխանցմամբ՝ Ուկրաինայի նախկին վարչապետ Յուլյա Տիմոշենկոյին մերժել են ազատազրկման պայմանների մեղմացման հարցում: Այդպիսի որոշում երեկ ընդունվել է Կաչանովի ուղղիչ հիմնարկի հանձնաժողովը:
Հանձնաժողովի նիստին մասնակցել են նաև Տիմոշենկոն ու նրա փաստաբանները: Նիստը տևել է մոտ կես ժամ: Արդյունքում հանձնաժողովը միաձայն որոշել է տեղափոխության հարցում մերժել Տիմոշենկոյին:
Հանձնաժողովը որոշել է ուշադրության արժանացնել այն փաստը, որ նախկին վարչապետը միջազգային բժշկական հանձնաժողովի որոշմամբ 2012 թվականի մայիսից ցայժմ գտնվում է բուժհիմնարկում: Ընդհանուր առմամբ, ողջ ազատազրկման ընթացքում Տիմոշենկոն կալանավայրում գտնվել է միայն երեք ամիս:
Տիմոշենկոյին 2011 թվականի հոկտեմբերին դատապարտել են 7 տարվա ազատազրկման՝ Ռուսաստանի հետ գազային համաձայնագրեր կնքելիս իր լիազորությունները գերազանցելու համար: Դրանից հետո Տիմոշենկոյին ուղարկել են Խարկովի կալանավայր:
