Ադրբեջանցի զինծառայողն ինքնասպանություն է գործել
Ադրբեջանական APA լրատվական գործակալության փոխանցմամբ՝ ադրբեջանական բանակը կրել է հերթական կորուստը: Ադրբեջանական բանակի շարքային Ֆիրուդդինօղլու Գուլիևը (1995) ինքնասպանություն է գործել՝ իրեն ամրակցված զենքով կրակելով իր վրա:
Այս մասին հայտարարել է Ադրբեջանի պաշտպանության նախարարության մամլո ծառայությունը: Վերջինիս հաղորդմամբ՝ միջադեպը գրանցվել է շփման գծի մոտ ընկած զորամասերից մեկում: Հարուցվել է քրեական գործ, տարվում է հետաքննություն: Գուլիևն ադրբեջանական բանակի շարքերը համալրել էր 2013 թվականի ապրիլին:
Միևնույն ժամանակ հաղորդվում է, որ Սիրիայում սպանվել է ադրբեջանցի հերթական զինյալը, ով հանդիսացել է «Լևանտում ու Իրաքում իսլամական պետություն» արմատական խմբավորման անդամ:
