Պենտագոնի ղեկավարը հունվարի 27-ին կժամանի Թուրքիա
Թուրքական Hürriyet Daily News թերթի փոխանցմամբ՝ ԱՄՆ պաշտպանության նախարար Չակ Հեյգելը հունվարի 27-ին պաշտոնական այցով կմեկնի Թուրքիա: Այստեղ նա հանդիպելու է Թուրքիայի պաշտպանության նախարար Իսմեթ Յըլմազի և բարձրաստիճան այլ անձանց հետ:
Կողմերը քննարկելու են ՀՀՊ համակարգի ստեղծման ոլորտում Թուրքիայի ու Չինաստանի համագործակցության հարցը (նախորդ տարվա աշնանը զենիթա-հրթիռային համալիրների գնման հարցում Թուրքիայի կողմից չինական ընկերությանը տված նախապատվությունը), ինչպես նաև Սիրիայում տիրող իրավիճակը:
Երկու երկրների միջև հարաբերությունները որոշակիորեն լարվել են այն բանից հետո, ինչ Թուրքիայի վարչապետ Ռեջեփ Էրդողանն ակնարկեց Անկարայում ԱՄՆ-ի դեսպանի հնարավոր վտարման մասին՝ կապված Թուրքիայի վերջին իրադարձությունների հետ:
