Իրանն ապացուցել է, որ իրեն չեն կարող կանգնեցնել ճնշման միջոցով. Զարիֆ
Իրանական Tasnim լրատվական գործակալության փոխանցմամբ՝ միջուկային զենքի վրա Իրանի գերագույն առաջնորդի դրած արգելքը բացատրում է այն, թե ինչու Իրանի պաշտպանական դոկտրինում տեղ հատկացված չէ միջուկային զենքի համար:
Այս մասին Մեծ Բրիտանիայի նախկին արտգործանախարար Ջեկ Ստրոյի հետ հանդիպման ժամանակ հայտարարել է Իրանի արտգործնախարար Մոհամմադ Ջավադ Զարիֆը:
Բրիտանական պատվիրակությունը Թեհրան է ժամանել երեկ՝ իրանցի բարձրաստիճան պաշտոնյաների հետ քննարկելու համար երկու երկրի հետաքրքրության կենտրոնում ընկած հարցեր: Զարիֆի խոսքերով՝ Իրանն ապացուցել է, որ իրեն չեն կարող կանգնեցնել ճնշման միջոցով:
Զարիֆն ընդգծել է, որ անհրաժեշտ է հասնել փոխըմբռնման՝ Իրանի ու Արևմուտքի միջև փոխադարձ վստահություն հաստատվելու համար:
