Ադրբեջանն ու Թուրքիան մոտ հեռանկարում իրագործելու են ռազմածովային ոլորտի մի շարք նախագծեր
Ադրբեջանական APA լրատվական գործակալության փոխանցմամբ՝ Ադրբեջանն ու Թուրքիան մոտ հեռանկարում իրագործելու են ծովային համակարգերի ոլորտի մի շարք նախագծեր: Այս մասին հայտնել է Թուրքիայի պաշտպանության նախարարությունը:
Նախորդ շաբաթ Անկարայում անցկացվել է ռազմածովային թեմաներով սեմինար, որոնց թվում եղել է նաև ադրբեջանական ռազմանավերի վրա թուրքական HAVELSAN ընկերության Genesis մարտական ղեկավարման համակարգերի տեղակայման հարցը:
Բացի այդ, կողմերը քննարկել են Ադրբեջանում թուրքական ընկերությունների մասանկցությամբ ռազմական նշանակության լողացող միջոցների արտադրության, նավային ռադարների և դիտարկման այլ համակարգերի առաքման հարցերը:
Դրա հետ կապված՝ թուրքական ընկերություններից մեկը մոտ ժամանակներս Բաքվում ներկայացնելու և փորձարկելու է Ադրբեջանի պատվիրած ստորջրյա սարքերը, որոնցում չի ենթադրվում մարդու առկայություն:
