Ուկրաինայում հակամարտությունը մոտենում է ավարտին, բանակցությունների նոր փուլը կարող է անցնել Աբու Դաբիում. Ուշակով
Ռուսաստանի նախագահի օգնական Յուրի Ուշակովը հայտարարել է, որ Ուկրաինայում հակամարտությունը մոտենում է ավարտին, իսկ կարգավորման շուրջ եռակողմ բանակցությունների նոր փուլը կարող է անցկացվել Աբու Դաբիում նոյեմբերի կեսերին, հաղորդում է РИА Новости-ն։
«Չգիտեմ, թե որքանով ենք մենք մոտենում, բայց գործը տանում է դրան»,- «Вести» լրատվական ծառայությանը ասել է Ուշակովը՝ պատասխանելով հակամարտության ավարտի հեռանկարների վերաբերյալ հարցին։
Նա նշել է, որ բանակցությունների հաջորդ փուլը նախնական տվյալներով կարող է տեղի ունենալ Աբու Դաբիում նոյեմբերի առաջին կեսին։
«Մենք կողմնորոշվում ենք Աբու Դաբիի ուղղությամբ… Այդպիսի պայմանավորվածություն է եղել, որ, հավանաբար, նոյեմբերի կեսերին, նոյեմբերի տասից հետո»,- Պավել Զարուբինին տված հարցազրույցում հայտնել է Ռուսաստանի նախագահի օգնականը։
Ավելի վաղ Ուշակովը հայտարարել էր, որ Ռուսաստանի նախագահ Վլադիմիր Պուտինը ԱՄՆ նախագահի հատուկ բանագնաց Սթիվ Ուիթքոֆին տեղեկացրել է, որ Մոսկվան պատրաստ է նոյեմբերի կեսերին վերսկսել Ուկրաինայի հարցով եռակողմ բանակցությունները։
