Թուրքիան մտադիր չէ խզել Եգիպտոսի հետ իր հարաբերությունները. Բյուլենթ Արընչ
CNN Türk-ի փոխանցմամբ՝ Թուրքիայի փոխվարչապետ Բյուլենթ Արընչը հայտարարել է, որ Թուրքիան մտադիր չէ խզել Եգիպտոսի հետ իր հարաբերություններն այնտեղ իրականացված ռազմական հեղաշրջման պատճառով.
«Թուրքիան նաև չի պլանավորում կասեցնել Եգիպտոսին ֆինանսական օգնության տրամադրումը: Թուրքիան խոստացել է Եգիպտոսին հատկացնել երկու միլիարդ դոլարի վարկ, և մենք հավատարիմ ենք մեր խոստմանը: Թուրքիան արդեն իսկ հատկացրել է մեկ միլիարդ դոլար: Մնացյալ գումարը մենք կհատկացնենք մոտ ժամանակներս»:
Եգիպտոսում նախագահ Մոհամմեդ Մուրսիի գահընկեցությունից հետո Թուրքիան հայտարարեց, որ չի աջակցում այդ երկրում նմանատիպ գործողություններին: Թուրքիայի արտգործնախարար Ահմեթ Դավութօղլուն հայտարարել է, որ Մուրսիի գահընկեցությունը նշանակում է հարգանք չցուցաբերել Եգիպտոսի ժողովրդի կամքին:
