ԱՄՆ-ն ավարտել է Իրանի վրա գիշերային հարվածների յոթերորդ անընդմեջ շարքը
Ամերիկյան զորքերը ավարտել են Իրանի վրա հերթական՝ անընդմեջ յոթերորդ, գիշերային հարվածների շարքը։
«ԱՄՆ Կենտրոնական հրամանատարությունը հարվածներ է հասցրել դիտարկման օբյեկտներին, ռազմական լոգիստիկ ենթակառուցվածքին, ստորգետնյա զենքի պահեստներին և ծովային օբյեկտներին։ Ամերիկյան զորքերն օգտագործել են կործանիչներ, անօդաչու թռչող սարքեր և ռազմանավեր, ինչպես նաև այլ միջոցներ։
Կենտրոնական հրամանատարությունը շարունակում է Իրանին պատասխանատվության ենթարկել գերագույն գլխավոր հրամանատարի ցուցումով՝ միաժամանակ ապահովելով իրանական նավահանգիստների լիակատար ռազմածովային շրջափակումը։
Ավելի քան 50 000 ամերիկացի զինծառայողներ գործում են Մերձավոր Արևելքում և մնում են զգոն, մարտունակ և պատրաստ՝ մարտական միջոցներ կիրառելու համար»,- նշել են ԱՄՆ բանակում։
Ինչպես հաղորդում է Fars-ը, հարձակման են ենթարկվել իրանական Հորմոզգան և Լարեկ կղզիները, ինչպես նաև Խուզեստան նահանգի Օմիդիե քաղաքը։
Հորմոզգանի վրա հարձակումների հետևանքով զոհվել է 3 մարդ, ևս 8-ը վիրավորվել են։
