Ուրսուլա ֆոն դեր Լայենը ժամանել է Բաքու

Եվրոպական հանձնաժողովի նախագահ Ուրսուլա ֆոն դեր Լայենը ժամանել է Ադրբեջանի մայրաքաղաք Բաքու։

Այս մասին Եվրահանձնաժողովի նախագահը գրառում է կատարել X-ի իր միկրոբլոգում։

«ԵՄ-ն հավատում է Հարավային Կովկասի պայծառ ապագային՝ կապակցված, խաղաղ և բարգավաճ։ Մենք ցանկանում ենք օգնել կառուցել այդ ապագան։

Ես այստեղ եմ նաև ԵՄ-Ադրբեջան գործընկերությունը խորացնելու համար։ Առևտրից մինչև տրանսպորտ, էներգիայից մինչև տնտեսություն»,-գրել է ֆոն դեր Լայենը։

Նշենք, որ Եվրոպական հանձնաժողովի նախագահը հուլիսի 2-ին աշխատանքային այցով կժամանի նաև Հայաստան։

Այցի շրջանակում տեղի է ունենալու ՀՀ վարչապետ Նիկոլ Փաշինյանի և Եվրոպական հանձնաժողովի նախագահ Ուրսուլա ֆոն դեր Լայենի հանդիպումը։

Հանդիպումից հետո նրանք հանդես կգան հայտարարություններով և կպատասխանեն ԶԼՄ ներկայացուցիչների հարցերին։