Պրեմիեր լիգայի երբեմնի չեմպիոնը կշարունակի ելույթները Անգլիայի երրորդ դիվիզիոնում
«Լեսթեր Սիթին» կշարունակի ելույթները Անգլիայի երրորդ դիվիզիոնում։ Չեմպիոնշիփի 44 խաղից հետո «աղվեսները» ունեն 42 միավոր և գտնվում են նախավերջին՝ 23-րդ տեղում։ Մրցաշարի ավարտին մնացել է երկու տուր։ «Բլեքբերն Ռովերսը» 21-րդ տեղում է՝ 44 խաղից 49 միավորով։ Այսպիսով, «Լեսթեր Սիթին» կորցրել է լիգայում մնալու իր հնարավորությունը։
Անցյալ մրցաշրջանում «Լեսթերը» ելույթ էր ունենում Անգլիայի Պրեմիեր լիգայում։ Այդ տարի նրանք վաստակեցին 25 միավոր, զբաղեցրին 18-րդ տեղը և դուրս մնացին Պրեմիեր լիգայից:
Փետրվարին ակումբից հանվել էր վեց միավոր՝ 2023/2024 մրցաշրջանի շահութաբերության և կայունության կանոնակարգերը խախտելու համար։
Հիշեցնենք, որ «Լեսթերը» նվաճել է Անգլիայի Պրեմիեր լիգայի տիտղոսը 2015/2016 մրցաշրջանում։ Մրցաշարի 38 տուրում Կլաուդիո Ռանիերիի թիմը հավաքել էր 81 միավոր՝ 10 միավորով առաջ անցնելով երկրորդ հորիզոնականում ընթացող «Արսենալից»։
