ԱՄՆ-ը վերացրել է Իրանին բջջային հեռախոսներ և նոթբուքեր վաճառելու արգելքը
Բրիտանական Reuters լրատվական գործակալության փոխանցմամբ՝ ԱՄՆ-ը մեղմացրել է Իրանի հանդեպ սահմանված պատժամիջոցները՝ ամերիկյան ընկերություններին թույլատրելով Իրանի բնակիչներին վաճառել անձնական օգտագործման բջջային հեռախոսներ, նոթբուքեր և հաղորդակցության ու ծրագրային ապահովման համար այլ սարքեր:
Այս մասին երեկ հայտարարել է ԱՄՆ-ի ֆինանսների նախարարությունը: Միևնույն ժամանակ հայտնի է դարձել, որ ամերիկյան գերատեսչությունը «սև ցուցակում» է ներառել իրանցի մի շարք չինովնիկների, որոնք մեղադրվում են մարդու իրավունքների խախտման մեջ:
Այդ անձինք, մասնավորապես, մեղադրվում են գրաքննություն իրականացնելու, համացանցը ժամանակավորապես արգելափակելու, արբանյակային որոշ հեռուստաալիքներ ժամանակավորապես անջատելու մեջ:
Ֆինանսների նախարարությունը պատժամիջոցների մեղմացումը պայմանավորել է նրանով, որ Իրանը կառավարությունը փորձում է լռեցնել իր ժողովրդին և արգելափակում է քաղաքացիների հաղորդակցման հնարավորությունները:
Ուշագրավ է, որ տեխնիկայի վաճառքի արգելքը վերացվում է հունիսի 14-ին Իրանում կայանալիք նախագահական ընտրությունների շեմին: ԱՄՆ-ն Իրանին էլեկտրոնային տարեր տեխնիկա վաճառելու վրա արգելք է դրել դեռևս 1992 թվականին:
