ԱԱԾ տնօրենն ու իշխանական բույլը չեն խանգարել հոգևորականներին Կեչառիսում հնչեցնել Վեհափառի անունը
Այսօր Կոտայքի թեմի առաջնորդանիստ Կեչառիս վանքի Սուրբ Գրիգոր Լուսավորիչ Մայր եկեղեցում թեմակալ առաջնորդ Առաքել արքեպիսկոպոս Քարամյանի հանդիսապետությամբ տեղի ունեցած Սուրբ Պատարագը իշխանական բույլով է աչքի ընկել։ Ներկա են եղել ԱԱԾ տնօրեն Անդրանիկ Սիմոնյանը, Կոտայքի մարզպետ Ահարոն Սահակյանը, մարզային կառույցների ղեկավարներն ու Ծաղկաձորի համայնքապետ Նարեկ Հարությունյանը։
Մեր տեղեկություններով` իշխանական այս բույլի ներկայությունը չի խանգարել, որ հոգևորականները Պատարագի ժամանակ չզեղչեն Վեհափառ Հայրապետի անունը։
Ավելին` թեմի շատ հոգևորականներ, ըստ օդում կախված լուրերի, նախօրեին էլ կարծեք թե առիթ են ունեցել իրենց անհամաձայնությունը հայտնել Առաքել Սրբազանին` Մայր Աթոռի ու Վեհափառի նկատմամբ որդեգրած դիրքորոշման առնչությամբ։
