Պուտինը և Լուկաշենկոն հեռախոսով քննարկել են պաշտպանության եւ ԱԷԿ կառուցման հարցերը
Ռուսաստանի եւ Բելառուսի նախագահներ Վլադիմիր Պուտինը եւ Ալեքսանդր Լուկաշենկոն շաբաթ օրը երեկոյան հեռախոսազրույց են ունեցել, տեղեկացրել է «Пул Первого»-ն։
Ռեսուրսի տեղեկացմամբ՝ երկու երկրների ղեկավարները քննարկել են երկկողմ հարաբերությունների զարգացումը, այդ թվում՝ նոր հեռանկարային նախագծերը։
Պուտինի եւ Լուկաշենկոյի զրույցի թեման են դարձել նաեւ Բելառուսի ԱԷԿ-ի նոր էներգաբլոկի կառուցումն Օստրովեցում, պաշտպանության եւ անվտանգության հարցերը։
«Առանձին կանգ են առել այն իրավիճակի վրա, որը ստեղծվել է Միութենական պետության սահմանին։
Նախագահները պայմանավորվել են հարցերը եւ թեմաները, որոնք փոխադարձ հետաքրքրություն են ներկայացնում քննարկել առաջիկայում, նախ եւ առաջ՝ նոյեմբերի վերջին Բիշքեկում սպասվող Հավաքական անվտանգության կազմակերպության պայմանագրի գագաթաժողովում»,- տեղեկացրել է «Пул Первого»-ն։
