Հայտնաբերել են գողացված ավտոմեքենան
Հոկտեմբերի 30-ին Ոստիկանության Արարատի մարզի օպերատիվ կառավարման կենտրոն զանգահարած քաղաքացին հայտնել է, որ գիշերը գողացել են Արարատ գյուղի Րաֆֆու փողոցում կայանված «Օպել» մակնիշի իր ավտոմեքենան:
Տեղեկությունը փոխանցվել է Համայնքային ոստիկանության Արարատի բաժին:
Մարզի պարեկների հետ ձեռնարկած միջոցառման արդյունքում Երևան-Մեղրի ճանապարհին, Արտաշատ քաղաքի հատվածում, հայտնաբերվել, ձերբակալվել և գողացած ավտոմեքենայով հանդերձ բաժին է տեղափոխվել Արարատ գյուղի Հաղթանակի փողոցի բնակիչ 39-ամյա տղամարդը:
Նրա խուզարկությամբ հայտնաբերվել է չորացված դեղնականաչավուն զանգված։ Նա հայտնել է, որ մարիխուանան անձնական օգտագործման համար է։
39-ամյա տղամարդն ու կազմված փաստաթղթերը ներկայացվել են Վեդիի քննչական բաժին: Հանգամանքները պարզվում են:
