ՄԱԿ-ում ԱՄՆ նոր մշտական ներկայացուցիչն Ուկրաինային և Ռուսաստանին կոչ է արել ուղիղ բանակցություններ վարել
ՄԱԿ-ում ԱՄՆ նոր մշտական ներկայացուցիչ Մայք Ուոլցը Ռուսաստանին և Ուկրաինային կոչ է արել ուղիղ բանակցություններ վարել հակամարտության խաղաղ կարգավորման շուրջ։
«Հորդորում եմ Ռուսաստանին անմիջական բանակցություններ սկսել Ուկրաինայի հետ այս պատերազմի վերաբերյալ», – այս մասին Ուոլցն ասել է ՄԱԿ-ի անվտանգության խորհրդի նիստում ելույթի ժամանակ։
Նա հավելել է, որ նախագահ Դոնալդ Թրամփի գլխավորած ամերիկյան վարչակազմը հսկայական ժամանակ և ջանքեր է գործադրել ուկրաինական ճգնաժամը հաղթահարելու համար և ակնկալում է, որ Ռուսաստանը կփնտրի հակամարտությունը հարթելու ուղիներ։
