Մոսկվայի մետրոն կունենա իր սեփական հեռուստաալիքը
2014 թվականի սկզբին Մոսկվայի մետրոյում կմեկնարկի սեփական հեռուստաալիքի գործունությունը, գրում է Lenta.ru-ն: Հեռուստաալիքը նորություններ կհեռարձակի առնվազն ժամը մեկ անգամ, ինչպես նաև կհայտնի սոցիալական կարևոր ծրագրերի, մետրոպոլիտենի նորություների, Մոսկվայի և Ռուսաստանի Դաշնության կառավարության որոշումների մասին: Բացի այդ, տեղեկություններ կհաղորդվեն ճանապարհների վիճակի (խցանումների), քաղաքում և մետրոյում տեղի ունեցող արտակարգ իրավիճակների վերաբերյալ, ինչպես նաև՝ նման դեպքերում ուղևորների գործությունների մասին: Ալիքը, որը կհեռարձակվի լուռ ռեժիմում, կցուցադրի նաև եղանակի տեսություն և կտեղեկացնի արտարժույթի փոխարժեքի մասին:
Հեռուստաալիքը ստեղծելու նպատակը այսպես է ձևակերպվում. «Մոսկվայի մետրոպոլիտենի գրավչության ավելացումը՝ որպես հարմարավետ հասարակական տրանսպորտային միջոց»:
Հեռուստաալիքը հեռարձակում կիրականացնի ամեն օր 5:30-01:00: Իսկ թե եթերում գովազդներ կլինեն, թե ոչ , դեռևս չի հաղորդվում:
