Միջնորդները շարունակում են ջանքերը Գազայի գործարքի իրականացման ուղղությամբ
Իսրայելի և պաղեստինյան «ՀԱՄԱՍ» շարժման միջև անուղղակի բանակցություններում միջնորդները շարունակում են ամեն ջանք գործադրել՝ ապահովելու Գազայի հատվածում հրադադարի համաձայնագրի բոլոր փուլերի իրականացումը։
Ինչպես փոխանցում է ՏԱՍՍ-ը, այս մասին հայտարարել է շարժման ներկայացուցիչ Հազեմ Կասեմը։
«Միջնորդները կապեր են պահպանում, որպեսզի երաշխավորեն հրադադարի համաձայնագրի բոլոր փուլերի կատարումը և ստիպեն Իսրայելին բանակցություններ սկսել դրա երկրորդ փուլի շուրջ», – ասել է նա՝ հույս հայտնելով, որ միջնորդների ջանքերը հաջողությամբ կպսակվեն, և Իսրայելը հավատարիմ կմնա համաձայնագրին բոլոր փուլերում։
Նախօրեին Սպիտակ տան մամուլի քարտուղար Քերոլայն Լևիթը հաստատել էր, որ Վաշինգտոնը ուղիղ բանակցություններ է վարում «ՀԱՄԱՍ»-ի հետ։
Փետրվարի 27-ին Կահիրեում Գազայի հարցով բանակցություններ են տեղի ունեցել Իսրայելի և Կատարի պատվիրակությունների մասնակցությամբ։ Եգիպտոսի պետական լրատվական գործակալության փոխանցմամբ՝ Եգիպտոսի մայրաքաղաքում տեղի ունեցած խորհրդակցություններին մասնակցել են նաև ԱՄՆ-ի անանուն ներկայացուցիչներ։ Կողմերը քննարկել են Պաղեստինի անկլավում հրադադարի մասին համաձայնագրի հաջորդ փուլերը և Գազա մարդասիրական օգնություն հասցնելու մասին բանակցությունների արդյունքները պաշտոնապես չեն հաղորդվել.
Հունվարի 15-ին հայտնի դարձավ, որ Իսրայելը և Համասը պայմանավորվել են ազատ արձակել Գազայում պահվող պատանդներին և անկլավում հրադադար հաստատել։ Համաձայնագիրը, որը ներառում է երեք փուլ, ուժի մեջ է մտել հունվարի 19-ին։ Համաձայնագիրն ուժի մեջ է մտել հունվարի 19-ին, իսկ դրա առաջին փուլն ավարտվում է շաբաթ օրը՝ մարտի 1-ին։
Բոլոր 33 իսրայելցի պատանդները՝ ողջ ու մահացած, որոնք պետք է ազատ արձակվեին գործարքի առաջին փուլով, վերադարձվեցին հայրենիք։
Նրանց դիմաց բանտից ազատ են արձակվել ավելի քան 1500 պաղեստինցի բանտարկյալներ, որոնց մի մասը վտարվել է պաղեստինյան տարածքներից։
