Թրամփը Հայաստանի և Ադրբեջանի միջև խաղաղություն հաստատելու «ոսկե հնարավորություն» ունի. The Wall Street Journal

Հայաստանի և Ադրբեջանի միջև խաղաղության պայմանագիրը ոսկե հնարավորություն է Թրամփի համար՝ գրում է The Wall Street Journal-ը։

«Երկու երկրները ձգտում են լուծել իրենց տարաձայնությունները, և դա կնպաստի ԱՄՆ-ի շահերին:

Ուկրաինայում պատերազմը լուծելու նորընտիր նախագահ Թրամփի խոստումը, հավանաբար, ավելի հեշտ կլինի ասել, քան անել: Այնուամենայնիվ, կա խաղաղության հնարավորություն, որը շատ ավելի քիչ ջանք է պահանջում, բայց զգալի օգուտներ է ենթադրում․ դա Հայաստանի և Ադրբեջանի միջև տասնամյակներ շարունակվող թշնամության դադարեցումն է։

Երկու պատմական թշնամիները վերջին մեկ տարվա ընթացքում հանգիստ բանակցություններ են վարել և բեկման եզրին են: Հակամարտությունը, որը 2 պատերազմի և 2023 թվականին Լեռնային Ղարաբաղից ավելի քան 100,000 հայերի տեղահանման պատճառ է եղել, լուծման հնարավորություն ունի:

Ընդամենը անհրաժեշտ է մեկ վերջնական ջանք, որը կարող է ապահովել միայն Վաշինգտոնը»,- գրում է հրատարակությունը։