ԵՄ անդամ Սլովակիայի նախագահը երեկ գնացել էր Ռուսաստան՝ Պուտինին խնդրելու, որ շարունակեն գազի մատակարարումը. Հովհաննես Ավետիսյան
Պետական կառավարման մասնագետ Հովհաննես Ավետիսյանը ֆեյսբուքյան իր էջում գրել է․
«ԵՄ անդամ Սլովակիայի նախագահը երեկ գնացել էր Ռուսաստան՝ Պուտինին խնդրելու, որ շարունակեն գազի մատակարարումը:
Վերջինս համաձայնվել է, բայց Զելենսկին փորձում է (բառերով) չթողնել: Միայն նախորդ տարի իր տարածքով Սլովակիային գազ հասցնելու համար Ուկրաինան ստացել է 700 մլն դոլար եկամուտ: Բայց սրանով հանդերձ հիմա էլ ասում է, որ էլ չեն ուզում թողնել:
ԵՄ-ում էլ ասում են, եթե ՌԴ-ից չառանք գազ, առնելու ենք Ադրbeջանից, այլ խելամիտ այլընտրանք առայժմ չեն գտնում. Օրինակ, Գերմանիայի հրաժարումը ռուսական գազից սկիզբ դրեց տնտեսության շարունակական կրճատման: ԵՄ-ում նաև գիտեն, որ մեր հարևանից գազ առնելը նույնն է, որ ՌԴ-ից առնեն բայց ավելի թանկ, քանի որ մեր հարևանը դեպի ԵՄ հենց ռուսական գազն է, որ վաճառում է:
Հիմա այս ամենը համադրեք Nիkոլի քարոզչամեքենայի կողմից մարդկանց կերցրած ստերի հետ. Մասնավորապես, թե իբր Հայաստանը կարող է միանալ ԵՄ-ին, թե իբր ԵՄ-ն կարող է ապահովել մեր անվտանգությունը: Այն ԵՄ-ն, որ ռուսական և ադրբ-ական գազից կախում ունի:
Տարրական գրագիտություն ունեցողը հասկանում է, որ Ռուսաստանը հիմա այնքան մեծ ազդեցություն ունի ԵՄ վրա, որ որևէ ԵՄ անդամ երկրի միջոցով կարող է իր ուզածին հասնել, տես Վրաստանը: Մյուս կողմից էլ այդ ազդեցությունը՝ շատ ավելի մեծ, կա նաև մեր այլ՝ թշնամական տրամադրված հարևանների վրա:
Հապա, հարցերի հարցը, ինչու՞ են մեզ այս քարոզիչները թշնամացնում ռուսների հետ և ինչու՞ են խաբում ԵՄ գնալու կոնֆետով:
Ամեն ինչ շատ պարզ է. դրանք վարձու քարոզիչներ են, որոնք աշխատում են մի օրակարգի շուրջ, որի հաջողելու դեպքում Հայաստան պետությունը կվերանա այս տարածաշրջանից: Այլ բացատրություն չկա այս խեղկատակությանը: Այս նույն քարոզչությունը տարիներ շարունակ մեր ժողովրդին խաբել է, թե իբր Արցախի խնդիրն է պատճառը, որ սահմանները փակ են ու, որ վատ ենք ապրում: Այս խաբված ժողովուրդը համաձայնվեց հրաժարվել Արցախից, բայց կրկին չստացավ իր ուզածը: Հաջորդիվ կհամոզեն, որ ռուսը թշնամի է, հետո կթշնամացնեն, ու կուլ կտան Հայաստանը: Հետո, այս նույն քարոզիչները կասեն, որ իրենք սա գիտեին, և չկարողացան կանխել, քանի որ պետք էր դեռ անկախություն հռչակելիս, մոռանալ հայրենակիցներին Արցախում և թողել նրանց յաթաղանի զոհ դառնային և, որ իրենց մեղքով կորցրինք Հայաստանը:
Բավ է թողնել, որ ձեզ խաբեն, խոսեք այս ստերի մասին անդադար, խոսեք մարդկանց հետ, մի թողեք սուտն ու կեղծիքը հաղթի:
