ՆԱՏՕ-ն մեկնարկում է ամենամյա միջուկային Steadfast Noon զորավարժությունները
ՆԱՏՕ-ն հոկտեմբերի 14-ին կսկսի ամենամյա միջուկային զորավարժությունները, որոնք կտևեն երկու շաբաթ։
ս»-ի փոխանցմամբ՝ այդ մասին հայտնում է Հյուսիսատլանտյան դաշինքի մամուլի ծառայությունը։Ըստ հայտարարության՝ ՆԱՏՕ-ի Steadfast Noon ամենամյա միջուկային զորավարժություններին կմասնակցեն ավելի քան 60 ինքնաթիռներ, որոնք վարժական թռիչքներ կիրականացնեն Արևմտյան Եվրոպայի օդային տարածությունում:
Steadfast Noon երկշաբաթյա զորավարժությունների ընթացքում գործի կդրվեն կործանիչներ, որոնք ունակ են կրելու ամերիկյան միջուկային մարտագլխիկներ, բայց մարտական զենք չի կիրառվի։
«Steadfast Noon-ը դաշինքի միջուկային զսպման կարևոր փորձարկում է, որը հստակ ազդանշան է ուղարկում ցանկացած հակառակորդի, որ ՆԱՏՕ-ն կպաշտպանի բոլոր դաշնակիցներին», – հայտարարել է ՆԱՏՕ-ի գլխավոր քարտուղար Մարկ Ռյուտեն:Դաշինքն ընդգծում է, որ առաջիկա զորավարժությունները «սովորական և կրկնվող վարժական գործունեություն են, որոնք անցկացվում են ամեն հոկտեմբեր»։
«Steadfast Noon-ում ներգրավված են 2000 զինծառայողներ 8 ավիաբազաներից և տարբեր տեսակի ինքնաթիռներ, ներառյալ միջուկային զենք կրելու ունակ կործանիչներ, ռմբակոծիչներ, ուղեկցորդ կործանիչներ, լիցքավորող ինքնաթիռներ, ինչպես նաև ինքնաթիռներ, որոնք ունակ են հետախուզության և ռադիոէլեկտրոնային պայքարի», – նշված է հաղորդագրության մեջ:
Այս տարվա զորավարժությունները հիմնականում ենթադրում են թռիչքներ ընդունող երկրների՝ Բելգիայի և Նիդեռլանդների, ինչպես նաև Դանիայի, Միացյալ Թագավորության և Հյուսիսային ծովի օդային տարածությունում, հայտնել են ՆԱՏՕ-ում:
«ՆԱՏՕ-ն միջոցներ է ձեռնարկում դաշինքի միջուկային զսպման անվտանգության, արդյունավետության և հուսալիության ապահովման համար», – հավելում է դաշինքի մամուլի ծառայությունը:
