Սպարտակի ֆուտբոլիստներին տեղափոխող ավտոբուսը վթարի է ենթարկվել
«Սպարտակը» Ռուսաստանի առաջնության 23-րդ տուրում «Ռոստովի» հետ կայանալիք հանդիպումից առաջ վերջին մարզումն է անցկացրել։ Մարզումից հետո Մոսկովյան ակումբի ֆուտբոլիստները «Ռոստովի» կողմից տրամադրած ավտոբուսով հյուրանոց վերադառնալիս ՃՏՊ-ի մասնակից են դարձել։ Այս մասին հայտնում է «Կոմսոմոլսկայա պրավդան»։
Ավտոբուսը հետևի աջ կողային մասով հարվածել է լուսավորման սյունին։ Բարեբախտաբար, ֆուտբոլիստներից ոչ ոք չի տուժել։
Հիշեցնենք, որ «Ռոստով» – «Սպարտակ» հանդիպումը կկայանա Երևանի ժամանակով 16։30-ին։
Մարզական լրահոսն ապահովում է SportArmenia.com-ը
