Հայաստանում կվերացվեն մի շարք պատվավոր կոչումներ
Հայաստանում այս կամ այն ոլորտում գործիչներին տրվող պատվավոր կոչումները պետք է վերացվեն: Այս մասին, այսօր՝ հունվարի 11-ին, Ազգային ժողովում Պետաիրավական հարցերի մշտական հանձնաժողովի նիստում «Հանրապետության պետական պարգևների և պատվավոր կոչումների մասին» օրենքում փոփոխությունների օրինագծերի փաթեթի քննարկման ժամանակ ասաց Հանրապետության արդարադատության փոխնախարար Արմենուհի Հարությունյանը։
Երկրում, ըստ նրա, այսօր կա 17 պատվավոր կոչում։ «Օրինակ՝ ժողովրդական արտիստ, վաստակավոր արտիստ, վաստակավոր լրագրող, վաստակավոր մշակույթի գործիչ: Դրանք բոլորը կվերացվեն, կմնա միայն «Պատվավոր թիմ» կոչումը»,- պարզաբանեց Հարությունյանը։
Ինչպես նշեց փոխնախարարը, այս կոչումները մասնագիտական աճի հետ կապ չունեն։ «Շատ երկրներում նման կոչումներ չկան, իսկ մասնագետների ու մշակույթի գործիչների խրախուսումը հիմնված է կոնկրետ կատարողական արդյունքների վրա»,- ընդգծեց կառավարության ներկայացուցիչը։
Ծրագրի աշխատանքներին մասնակցել են կրթության, գիտության, մշակույթի և սպորտի նախարարությունը, ինչպես նաև առողջապահության, էկոնոմիկայի նախարարությունը և քաղաքաշինության կոմիտեն: «Մեր բոլոր գործընկերները պաշտպանել են կոչումների անհատական հիմունքներով վերացնելու փաստարկները»,- վստահեցրեց Հարությունյանը։
Նրա խոսքով, իշխանությունները մտադիր են տարբեր ոլորտներում խրախուսման ավելի ժամանակակից մեթոդներ մշակել։ Միաժամանակ դրանք կպահպանեն արդեն իսկ ժողովրդական եւ վաստակավոր արտիստների կոչումներ ստացած գործիչները։
Որոշ քննարկումներից հետո մշտական խորհրդարանական հանձնաժողովը դրական եզրակացություն տվեց այս օրենսդրական նախաձեռնությանը։
