Տնտեսական օգնության առաջարկել՝ ապամիջուկայնացման դիմաց
Հարավային Կորեայի նախագահ Յուն Սոկ Յոլը ցանկանում է իրականացնել անցյալ տարի իր առաջարկած նախաձեռնությունը և վերակառուցել Հյուսիսային Կորեայի տնտեսությունը, եթե Փհենյանը միջուկային զենքից հրաժարվելու քայլեր ձեռնարկի: Այս մասին հաղորդում է Yonhap-ը:
Ճապոնական տիրապետությունից Կորեական թերակղզու ազատագրման տարեդարձի առթիվ իր ելույթում Յուն Սոկ Յոլը հայտնել է, որ համառորեն աշխատում է այդ նախաձեռնության վրա:
«Մենք կշարունակենք աշխատել միջազգային հանրության հետ, որպեսզի Հյուսիսային Կորեայի իշխանություններին ստիպենք հրաժարվել իր միջուկային և հրթիռային ծրագրերն առաջ տանելուց, ընտրեն երկխոսության և համագործակցության ուղին, որի շնորհիվ կբարելավվի երկրի բնակչության կյանքը», – մեջբերել է Yonhap գործակալությունը նախագահի խոսքը:
Միևնույն ժամանակ Յուն Սոկ Յոլն ասել է, որ ԿԺԴՀ-ի «հրթիռամիջուկային սպառնալիքի» վերացման համար անհրաժեշտ է Հարավային Կորեայի, Ճապոնիայի և ԱՄՆ-ի միջև Փհենյանի հրթիռների վերաբերյալ տվյալների փոխանակում իրական ժամանակում: Իր խոսքում Յուն Սոկ Յոլը նաև Ճապոնիան անվանել է կարևոր գործընկեր տնտեսության բնագավառում և անվտանգության ոլորտում։ Նրա խոսքով՝ Ճապոնիայի տարածքում ՄԱԿ-ի Հրամանատարության յոթ «թիկունքային բազաների» առկայությունը «Հարավային Կորեա հյուսիսկորեական ներխուժումը» զսպելու կարևոր գործոն է։
Հյուսիսային Կորեայի ապամիջուկայնացման դիմաց տնտեսական օգնություն տրամադրելու նախաձեռնությունը Հարավային Կորեայի ղեկավարն առաջին անգամ ներկայացրել է 2022 թվականի օգոստոսի 15-ին: Այդ առաջարկից մի քանի օր անց Կիմ Յո Չժոնը՝ Հյուսիսային Կորեայի առաջնորդ Կիմ Չեն Ընի քույրը, ասել էր, որ Փհենյանը երբեք չի ընդունի այդ առաջարկը:
