Լավաշով ձուկ՝ ջեռոցում

Բաղադրիչներ

Իշխան ձուկ – 1 հատ

Լավաշ – 2 հատ

Սոխ – 1 գլուխ

Կիտրոն – ½ հատ

Սամիթ – 1 կապ

Կարագ – 80 գր

Աղ – 1 ճ/գ

Աղացած սև պղպեղ՝ ըստ ճաշակի

Համեմունք՝ ըստ ճաշակի

Պատրաստման եղանակը

Ձուկը լվանալ, գլուխն առանձնացնել, իսկ մնացած մասը բաժանել 4 մասի և աղ անել։

Կիտրոնն ու սոխը կիսալուսնաձև կտրատել, սամիթը և սոխը մանր կտրատել,

Լավաշները բաժանել երկու մասի, վրան լցնել սոխի, կիտրոնի և սամիթի խառնուրդը:

Ամեն մի շերտի վրա դնել մեկ կտոր ձուկ և կրկին ծածկել նույն խառնուրդով։ Վրան դնել 10 գրամ կարագ:

Լավաշը ռուլետի նման փաթաթել և կարագ քսել վրան։

Դնել 160 աստիճան տաքացրած ջեռոցում և եփել 30 րոպե։

Ձուկը կարելի է մատուցել որպես առանձին ուտեստ կամ բրնձի, կարտոֆիլի և բանջարեղենային աղցանի հետ:

Ձևավորումն՝ ըստ ճաշակի։