Գիտնականները պարզել են, թե ինչո՞ւ կանայք որոշ վարակներ ավելի թեթև են տանում, քան տղամարդիկ
Մոլեկուլային կենսաբանները պարզել են, որ կանայք, շնորհիվ KDM6A գենի բարձր ակտիվության, ավելի թեթև են տանում որոշ ինֆեկցիաներ, քան տղամարդիկ։ Այդ գենի կրկնօրինակները գտնվում են կանանց Х քրոմոսոմում։ Հետազոտության արդյունքները, ըստ shantnews-ի՝ հրապարակվել են Nature Immunology ամսագրում։
Պրոֆեսոր Սուն և նրա գործընկերները պարզել են, որ պատճառը կարող է լինել սեռային տարբերություններում KDM6A բարձր ակտիվությունը։ Հենց այս գենն է պատասխանատու օրգանիզմում UTX սպիտակուցի մշակման համար։ Այս պեպտիդը ազդում է ԴՆԹ-ի սպիտակուցային թաղանթի կառուցվածքի վրա, ինչի շնորհիվ էլ կառավարում է մեծ թվով գեներ։
«Տղամարդու օրգանիզմում ավելի շատ NK բջիջներ կան, որոնք պայքարում են վարակների դեմ։ Սակայն այն նրանց, ի տարբերություն կանանց, ավելի պաշտպանված չի դարձնում։ Մենք հայտնաբերեցինք, որ KDM6A գենը շատ ավելի ակտիվ է կանանց NK բջիջներում»,- բացատրել է պրոֆեսոր Մորին Սուն։
Գիտնականները կարծում են, որ հետազոտության արդյունքները կօգնեն, տղամարդկանց և կանանց օրգանիզմում լիմֆոցիտների քանակը հաշվի առնելով, հետագայում վարակների դեմ պայքարի նոր մեթոդներ մշակելու հարցում։ Բացի դրանից, UTX սպիտակուցի ուուսումնասիրությունըբ գիտնականներին կօգնի ստեղծել մոտեցումներ տղամարդկանց իմունային համակարգն ամրապնդելու համար։
