Մամիկոն Ասլանյանին տեղափոխել են «Սուրբ Գրիգոր Լուսավորիչ» բ/կ

Կալանքի տակ գտնվող Վանաձորի նախկին քաղաքապետ Մամիկոն Ասլանյանին ճնշման կտրուկ տատանման պատճառով տեղափոխել են «Սուրբ Գրիգոր Լուսավորիչ» բժշկական կենտրոն: Այս մասին տեղեկանում ենք ֆեյսբուքում նրա պաշտոնական էջից։

Հիշեցնենք, որ Մամիկոն Ասլանյանը կալանավորվել է 2021թ․ դեկտեմբերի 16-ին՝ Վանաձորի քաղաքապետի ընտրություններից մի քանի օր առաջ։

Նրա գլխավորած դաշինքը Վանաձորի ավագանու ընտրություններում ամենաշատ ձայներն էր ստացել։

Նա մեղադրվում է պաշտոնեական լիազորությունների չարաշահման ու պաշտոնեական կեղծիք կատարելու համար։