Բուլղարիան չեղարկում է կորոնովիրուսով պայմանավորված սանիտարական միջոցառումների մեծ մասը
Բուլղարիայի իշխանություններն ապրիլի 1-ից չեղարկում են կորոնավիրուսի վարակով պայմանավորված հակավարակաբանական միջոցառումների մեծ մասը: Այս մասին հայտարարել է առողջապահության նախարար Ասենա Սերբեզովան:
Մասնավորապես, չեղարկվում է դիմակների պարտադիր կրումը փակ հաստատություններում, սոցիալական հեռավորության պահպանումը, բուհերի հաճախելիությունների սահմանափակումները, ինչպես նաև գործատուներին ներկայացված պահանջը՝ կազմակերպել առնվազն 50 տոկոս աշխատակիցների հեռավար աշխատանքը:
Խոսելով համավարակի թողած բացասական հետևանքների, մասնավորապես՝ գործազրկության, կրթական ոլորտի վնասների, տարածված դեպրեսիայի մասին՝ նա ընդգծել է, որ կորոնավիրուսից հետո կյանքն այլևս երբեք նախկին չի լինի:
