Ֆրանկֆուրտի սակարանի գլխավոր ինդեքսը հասել է իր պատմության մեջ ամենաբարձր մակարդակին
Ֆրանկֆուրտի DAX ֆոնդային սակարանի հիմնական ինդեքսը, որը ներառում է Գերմանիայի 30 խոշորագույն բաժնետիրական ընկերությունները, նոյեմբերի 4-ին սակարկությունների առաջին ժամերին հասել է իր պատմության մեջ ամենաբարձր մակարդակին՝ 16․055 կետի: Այդ մասին են վկայում առեւտրական հրապարակի կայքում հրապարակված տվյալները:
Նոյեմբերի 4-ի առավոտյան DAX-ը գերազանցել է 16.000 կետի նշագիծը: Սակայն այնուետեւ ինդեքսն աննշան իջել է մինչեւ 16․004 կետ: Հունվարի սկզբին DAX-ը հաղթահարել էր 14 հազար կետի արգելքը, իսկ մարտի վերջին առաջին անգամ գերազանցել 15.000 կետի նշագիծը: Նախորդ առավելագույնը կազմել է 16․030 կետ:
Շատ բանով նման աճը կապված է ԱՄՆ-ի Դաշնային պահուստային համակարգի հետ (կատարում է երկրի կենտրոնական բանկի գործառույթները), որը ձեռնամուխ է եղել դրամա-վարկային քաղաքականության բարենորոգման, հաղորդել է ՏԱՍՍ-ը:
